Monte 'idda bella de Gaddura,de Logudoro at limba e cultura, amat sa musica e-i su cantu de nobile coro s'ispantu.
Dai tempus antigu est istada una 'idda de passazzu, abitada dai pastores de sos Balaros fizos fortes de coro, galanos de chizos...
Dai su granitu creschet vermentinu, chi cun mele est donu divinu, ch'at murta e olidone, lande e ortiju, che paschen crabas lutzigas che ispiju...
Sos montinos an sempre praticadu sa fide in deus e an puru ospitadu Santu Paulu in-d-un'adde silenziosa, accultzu a Gesusu e a sa Mama amorosa...